RCDeportivo RCDeportivo RCDeportivo
Skip to main content
GL
PORTADA

Maya Yamamoto incorpórase ao Dépor ABANCA

Maya Yamamoto (5 de febreiro de 1993, Tokio, Xapón) converteuse na cuarta incorporación do Deportivo ABANCA 2018-2019.

A futbolista xaponesa, que actúa como mediapunta ou interior, conta con experiencia tanto na Liga Iberdrola como a nivel internacional.

Yamamoto empezou a xogar ao fútbol aos 7 anos e chegou a vestirse a camiseta da selección xaponesa nas categorías sub-16 e sub-17. Na primeira delas, formou parte do combinado nipón que disputou o Campionato de Asia en 2009, no que Xapón alcanzou a terceira praza e a clasificación para o Mundial sub-17, que Yamamoto finalmente non puido disputar debido a unha inoportuna lesión.

Como compoñente do equipo da Universidade de Waseda proclamouse campioa de Xapón no ano 2016, xusto antes de emprender viaxe a España para incorporarse ao Valencia CF Femenino.

Co conxunto ché disputou a segunda metade da temporada 2015-2016 e a 2016-2017 completa. O curso pasado militou no Zaragoza CFF, co que conta con dúas campañas e media de experiencia na Liga Iberdrola.