Dous equipos branquiazuis compiten na decimosegunda edición do Torneo de Nadal Ural CF, que se xoga nos campos de Elviña (A Coruña): o Benxamín A hoxe venres 29 e o Alevín A mañá sábado 30.
O Benxamín A acabou en primeira posición, nun torneo no que foi claro dominador, cunha bagaxe de 22 goles a favor e 0 en contra en cinco partidos xogados.
Os resultados do equipo deportivista foron os seguintes:
Primeira Fase
BENXAMÍN A 4 (Nico, Xabi, Janusz e Diego) - CALASANZ 0
BENXAMÍN A 6 (Eder -3-, Raul, Janusz e Nico) - OZA JUVENIL 0
BENXAMÍN A 4 (Diego -2-, Nico e Janusz) - OBRERO 0
Semifinal
BENXAMÍN A 7 (Diego -3-, Yago -2-, Íker e Eder) - ATLÉTICO CORUÑA MONTAÑEROS 0
Final
URAL 0 - BENXAMÍN A 1 (Eder)
Mañá sábado 30 entra en xogo o Alevín A, que terá como rivais na Primeira Fase ao Santiago de Compostela, Bertamiráns e Xuventude Oroso.
O calendario de partidos do cadro deportivista é o seguinte:
10:30: ALEVÍN A - SANTIAGO DE COMPOSTELA
11:30: ALEVÍN A - BERTAMIRÁNS
12:30: ALEVÍN A - XUVENTUDE OROSO
Os dous primeiros equipos pasan a cuartos de final, que se xogan xa a continuación.
O Infantil B, ao torneo do CF Erizana de Baiona
O Infantil B participa mañá sábado 30 de decembro na primeira edición do Torneo Infantil CF Erizana de Baiona (Pontevedra), que se xogará no campo de fútbol Val de Martín.
Na competición, que será na modalidade de fútbol 7, o conxunto deportivista quedou encadrado no grupo 1, co CF Erizana A, Coya, Chabela e Ribeira B.
O calendario de partidos da Primeira Fase para o Infantil B é o seguinte:
10:40: CF ERIZANA A - INFANTIL B (campo 2)
11:30: RIBEIRA B - INFANTIL B (campo 1)
12:45: INFANTIL B - CHAPELA (campo 1)
14:25: INFANTIL B - COYA (campo 2)
Os dous primeiros clasificados de grupo acceden aos cuartos de final, que se xogan xa a continuación.
O Alevín B xogará mañá no Torneo de Nadal Concello de Vigo
O Alevín B disputa mañá sábado 30 de decembro no campo Manuel Pahiño en Vigo a quinta edición do Torneo de Nadal Concello de Vigo, organizado pola AFAVI (Asociación de Fútbol Afeccionado de Vigo).
O conxunto deportivista quedou encadrado na Primeira Fase co FC Porto e o campión da Fase Previa, con este calendario de partidos:
11:20: FC PORTO - ALEVÍN B
12:20: CAMPIÓN DA FASE PREVIA - ALEVÍN B
O primeiro deles xogará a final, mentres que o resto, en eliminatoria directa, pelexará polo resto de posicións do trofeo co segundo e terceiro clasificado do outro grupo.
