Hora da verdade para tres equipos de #ANOSACANTEIRA entre semana.
Hoxe martes nas Eiroas (Carballo), o Alevín caeu (0-2) co RC Celta na gran final da XIII edición do Trofeo Conservas Calvo de fútbol 11. Os branquiazuis accederon a esta final ao ser campións do subgrupo norte mentres que os celestes, do sur.
E no campo da Marola (Mera), o Fabril FC Benxamín, que a pasada fin de semana proclamouse en Polonia subcampión da VII edición da International Steel Cup, perdeu (2-3) co Victoria CF na gran final do Torneo Delegación e colgouse a medalla de prata.
Nas semifinais, os fabrilistas apearon ao ED Luis Calvo Sanz mentres que os blanquinegros, ao Orillamar SD A.
O xoves 8 ás 18:00, a quenda será para o Orzán SD Xuvenil Feminino, que disputará en ABANCA-RIAZOR ante o Victoria CF B a gran final da I edición da Copa da Coruña Feminina.
As orzanistas superaron en semifinais ao SE Abellá SDEC mentres que as blanquinegras, ao Sporting Cambre. Os dous equipos finalistas militan en Primeira Autonómica.
O calendario de partidos entre semana, cos resultados dos xa xogados, é o seguinte:
Categoría feminina
I edición da Copa da Coruña, final: ORZÁN SD XUVENIL FEMININO - VICTORIA CF B, o xoves 8 de xuño ás 18:00 en ABANCA-RIAZOR
Categoría alevín
XIII edición do Trofeo Conservas Calvo de fútbol 11, final: ALEVÍN 0 - RC CELTA 2
Categoría benxamín
Torneo Delegación, final: FABRIL FC BENXAMÍN 2 (Andrés Valencia e Mateo Cardelle) - VICTORIA CF 3
