RCD / NOVAS

Medalla de prata para o Alevín A en Carballo e o mércores, quenda para o Benxamín B

28/05/2019 21:09

Alevín A e Benxamín B son os dous únicos equipos en competición oficial en #ANOSACANTEIRA, despois dunha fin de semana no que concluíron as súas ligas o Xuvenil B, Cadete A e Cadete B.

O Alevín A proclamouse hoxe martes en Carballo subcampión galego da categoría na modalidade de fútbol 11 ao caer (1-4) co RC Celta. Ambos os equipos accederon a esta gran final após proclamarse campións dos grupos norte e sur.

Pola súa banda, o Benxamín B, xa campión de liga, disputa un partido intranscendente a nivel clasificatorio ante o Ural CF B correspondente á 15ª xornada, última da Segunda Fase, grupo 1º A Coruña. O choque adiantouse á fin de semana próximo debido á participación do conxunto deportivista eses días nun torneo en Ponferrada (León).

O calendario de partidos, cos resultados dos xa xogados, é o seguinte:

Categoría xuvenil
Clasificación final da Liga Nacional: ... 3. CD Conxo Santiago, 68 puntos; 4. Xuvenil B, 64 puntos; 5. Victoria CF, 60 puntos...

Categoría cadete
Clasificación final da División de Honra: 1. RC Celta, 91 puntos; 2. Cadete A, 85 puntos; 3. Ural CF, 67 puntos...

Clasificación final da Liga Galega, grupo norte: ... 2. ED Xuventude de Oroso, 80 puntos; 3. Cadete B, 72 puntos; 4. Racing Villalbés e Galicia Caranza, 60 puntos...

Categoría alevín
Clasificación final do Trofeo Conservas Calvo de fútbol 11, grupo norte: 1. Alevín A e Ural CF A, 34 puntos; 3. Victoria CF A, 33 puntos; 4. CD Calasanz A, 28 puntos...

Final do Trofeo Conservas Calvo de fútbol 11: ALEVÍN A 1 (Murilo) - RC CELTA 4

Categoría benxamín
15ª xornada, última: URAL CF B - BENXAMÍN B, mañá mércores 29 de maio ás 19:00 en Abegondo (campo de herba artificial)
Clasificación da Segunda Fase, grupo 1º A Coruña: 1. Benxamín B (xa campión), 42 puntos; 2. Victoria CF B, 34 puntos...