RCD / NOVAS

Medunjanin foi titular no encontro de Bosnia Herzegovina en Bélxica

- Foto: UEFA.com - Tres xogadores do primeiro equipo están estes días concentrados coas súas respectivas seleccións nacionais: Jonathan Rodríguez con Uruguai, Celso Borges con Costa Rica e Haris Medunjanin con Bosnia Herzegovina.

04/09/2015 09:05

Haris Medunjanin afronta con Bosnia Herzegovina dous partidos clasificatorios para a próxima Eurocopa. O primeiro xogouse onte xoves 3 de setembro no estadio Rei Balduino de Bruxelas ante Bélxica. O mediocentro deportivista foi titular e disputou 80 minutos ata que foi substituído por Ibisevic. Caeron os bosníacos (3-1), a pesar de que Dzeko púxoos por diante no marcador no minuto 15.

No segundo choque, o domingo 6 de setembro, Bosnia Herzegovina recibe no estadio Bilino Polje de Zenica a Andorra, nun encontro que arrincará ás 20.45 horas.

Jonathan medirase con Uruguai hoxe venres 4 de setembro a Panamá e o martes 8 de setembro á Costa Rica do tamén deportivista Celso Borges, na capital costarriqueña, San José. Ambos os encontros son amigables.

Pola súa banda Celso Borges enfróntase a Brasil en New Xersei (Estados Unidos) mañá sábado 5 de setembro nun partido de adestramento; e tres días máis tarde, o martes 8, recibe á Uruguai de Jonathan Rodríguez en San José de Costa Rica.

Máis novas de: MEDUNJANIN

RCD / Noticias Relacionadas