Foto: - @RealOviedoFem -
O Deportivo ABANCA tómase uns merecidos días de descanso, aproveitando o parón do Nadal. Despois do gran triunfo do pasado sábado ante o Oviedo Moderno CF, Manu Sánchez citou a todo o seu cadro de novo o mércores 2 de xaneiro ás 20:00 horas en Abegondo.
A próxima cita ligueira será o domingo 13 de xaneiro, coa visita ao CPM Friol, no primeiro partido da segunda volta.
O Deportivo ABANCA, á fronte da táboa no grupo 1º de Segunda División Nacional, avantaxa agora en 3 puntos ao Oviedo Moderno CF: 37 puntos as deportivistas por 34 puntos as asturianas. Ademais, co 1-3 último favorable ás branquiazuis da última xornada, se a traxectoria ligueira non se torce para ambas, obrigaría ás ovetenses a facer unha heroicidade en Abegondo no partido da segunda volta para darlle a volta ao golaverage particular, que decidiría en caso de empate a puntos.
