Miguel Anxo Lotina despídese cunha carta e unha multitudinaria rolda de prensa

"Quero agradecervos a vosa presenza aquí, nestes momentos tan tristes para todos, para despedirme. Gustoume que fóra doutra maneira, co equipo en Primeira División, pero non o puidemos conseguir, a pesar do extraordinario esforzo que fixo todo o mundo, desde os xogadores á nosa afección. Tiña tomada desde hai tempo a decisión de marcharme, porque cheguei á conclusión de que a miña etapa na Coruña estaba xa superada, e por esa razón esforceime canto puiden para que a saída fose satisfactoria para todos. Sinto na alma non poder levar esta nave a bo porto, pero asegúrovos que non foi por non tentalo.

Quero sobre todo dar as grazas e pedir desculpas. Desculpas a esta marabillosa afección coa que sempre me sentirei en débeda; desculpas a quen puidese malestar ou ferir con algunha das miñas decisións. Asegúrovos que sempre tentei facer o que me parecía mellor para o noso Club. E grazas a todo o mundo polo esforzo cotián en facer ben as cousas, en estar á altura que merece o prestixio do Dépor. Grazas aos empregados do Club polo seu compromiso e profesionalidade, aos xogadores que estiveron comigo aquí todos estes anos e entregáronse cunha dedicación exemplar. Grazas aos meus colaboradores, a todo o equipo técnico e aos medios de comunicación. E grazas á Directiva, en especial ao Presidente. Foi unha honra traballar para o  Deportivo da Coruña.

Lévome o recordo dun gran Club e o agarimo que me transmitiu a xente, mesmo nestes últimos días tan difíciles para todos.

Moitas grazas e ata sempre".

Finalmente Lotina respondeu as preguntas dos medios de comunicación. Lembrou que cun gol o equipo estaría salvado e coa vitoria ante a Valencia, o Dépor finalizase en décima posición da táboa.

Ademais, cre que "o Hércules e o Almería non teñen peor persoal que o Deportivo, pero pódovos dicir ata dez equipos que seguirán en Primeira que non a teñen mellor que nós".