Mini semana de competición para o Dépor ABANCA antes de Nadal
O Deportivo ABANCA afronta unha última mini semana antes do parón do Nadal, coa visita do FC Barcelona a Abegondo prevista para o martes 22 de decembro (14:00 horas), en partido correspondente á 13ª xornada.
O cadro branquiazul traballa hoxe domingo e mañá luns na Cidade Deportiva para preparar o choque ante un dos favoritos ao título na Primera Iberdrola.
A sesión de hoxe será sobre todo de recuperación para as titulares onte en Matapiñonera ante o Madrid CFF.
Ao concluír o partido fronte ás azulgranas, o Deportivo ABANCA tómase uns días de descanso. As futbolistas branquiazuis retomarán os adestramentos o mércores 30 ás 17:00 horas.
A planificación semanal, sempre susceptible de sufrir variación por razóns técnicas, é a seguinte:
Domingo 20 de decembro 11:00 h
Luns 21 de decembro 17:30 h
Martes 22 de decembro 14:00: Deportivo ABANCA - FC Barcelona, en Abegondo