María Miralles Gascón ampliou o seu compromiso co Deportivo, co que continuará xogando a próxima temporada.
Miralles, que chegou ao Club branquiazul procedente do Villarreal CF o pasado verán, é a gardameta que máis partidos xogou co Dépor ABANCA B que se proclamou subcampión de Primeira Galega no curso recentemente finalizado, no que tamén xogou varios amigables co primeiro equipo.
Con só 21 anos, a porteira castellonenca seguirá mostrando os seus progresos nas filas branquiazuis.
