Pedro Mosquera, Vicente e Carlos Fernández recibiron esta mañá a alta médica e entraron na convocatoria de 19 futbolistas para o partido de mañá domingo 24 de febreiro na Rosaleda (18:00 horas, Movistar Partidazo) ante o Málaga CF, pertencente á 27ª xornada en LaLiga 1|2|3.
Quedan na Coruña de maneira obrigatoria Kronh-Dehli, lesionado; e Nahuel e Didier Moreno, sancionados.
No adestramento desta mañá en ABANCA-RIAZOR, Natxo González arrincou cun quecemento e uns rondos. A continuación, o técnico deportivista dispuxo dun exercicio de remates a portería, un partido táctico ao ancho do campo e, para concluír, repaso ás accións de estratexia, da man do técnico Alejandro Esteve.
O Dépor viaxa esta tarde a Málaga segundo esta folla de ruta:
Sábado 23 Febreiro
17:30: Saída do voo do Aeroporto da Coruña con destino Málaga
18:45 (hora estimada): Chegada ao Aeroporto de Málaga e traslado ao hotel NH Málaga
Domingo 24 Febreiro
18:00: Málaga CF - Deportivo, na Rosaleda
22:00: Saída do voo do Aeroporto de Málaga con destino ao Aeroporto da Coruña
23:15: Chegada aproximada ao Aeroporto da Coruña
Após o choque na cidade andaluza, o cadro do primeiro equipo retoma os adestramentos o luns 25 de febreiro ás 11:00 en Abegondo.
