Mujaid afronta con España sub-18 a segunda xornada dos Xogos do Mediterráneo
O central xuvenil do RC Deportivo, Mujaid Sadick, está convocado coa Selección Española sub-18 na 18ª edición dos Xogos do Mediterráneo.
O combinado nacional, dirixido por Luis de la Fuente, afronta a segunda xornada mañá domingo 24 de xuño (20:00 horas) ante Bosnia Herzegovina no Camp Nou de Reus.
O pasado venres 22 de xuño, ante Alxeria, España estreouse cun incuestionable triunfo (1-4) sobre os africanos. Mujaid foi suplente e non chegou a saltar ao terreo de xogo.
O calendario de partidos de España, cos resultados dos xa xogados, é o seguinte:
Venres 22 de xuño ALXERIA 1 - ESPAÑA 4
Domingo 24 de xuño 20:00: ESPAÑA - BOSNIA HERZEGOVINA, no Camp Nou de Reus
Os dous primeiros acceden ás semifinais, que se xogarán o xoves 28 de xuño.