A Selección Española sub-18, na que milita o deportivista Mujaid, clasificouse hoxe para a final dos Xogos do Mediterráneo ao derrotar na semifinal a Marrocos (2-1). O central branquiazul viu o partido desde o banco e esta vez non saltou ao campo.
Este sábado 30 de xuño, España pelexará polo ouro ante Italia, ás 12:30 horas no Camp Nou de Reus.
O pasado domingo foi o debut do canteirán deportivista nesta competición, con motivo da segunda xornada da fase de grupos ante Bosnia Herzegovina en Reus. Mujaid foi titular nun partido que venceu España (2-1).
O calendario de partidos de España, cos resultados dos xa xogados, é o seguinte:
Venres 22 de xuño
ALXERIA 1 - ESPAÑA 4
Domingo 24 de xuño
ESPAÑA 2 - BOSNIA HERZEGOVINA 1
Xoves 28 de xuño
Semifinal
ESPAÑA 2 - MARROCOS 1
Sábado 30 de xuño
Final
12:30: ESPAÑA - ITALIA, no Camp Nou de Reus