O primeiro Comité Técnico de Fútbol Draft, celebrado onte na sede da Federación Española de Fútbol, após recompilar a información das grandes promesas do fútbol español, elixiu aos deportivistas Mujaid (central dereito), Montero (central esquerdo) e Mollejo (mediapunta); e a Misa (porteira), Nuria Rábano (lateral esquerda), Teresa Abelleira (centrocampista esquerda) e Athenea del Castillo (atacante esquerda) do Deportivo ABANCA como candidatos a entrar nos Onces de Ouro da Temporada 2019-2020.
A lista está integrada neste primeiro corte por 99 novos futbolistas masculinos e 55 mulleres.
O segundo corte será o próximo 4 de maio e quedarán 55 masculinos e 33 femininos; mentres que o terceiro e último corte será o 10 de xuño, no que se elixirán aos premiados.
Futbol Draft, ao amparo dos estamentos oficiais do fútbol español, deu así o banderazo de saída para premiar aos mellores futbolistas de entre 16 e 20 anos.
