Mujaid participou como titular no pase de España ás semifinais dos Xogos do Mediterráneo
O central xuvenil do RC Deportivo, Mujaid Sadick, está convocado coa Selección Española sub-18 na 18ª edición dos Xogos do Mediterráneo.
O combinado nacional, dirixido por Luis de la Fuente, disputou hoxe domingo a segunda xornada ante Bosnia Herzegovina no Camp Nou de Reus. Mujaid foi titular nun partido que venceu España (2-1), co que logrou o billete para as semifinais, que se xogarán o xoves 28 ante un rival por determinar.
O pasado venres 22 de xuño, ante Alxeria, España estreouse cun incuestionable triunfo (1-4) sobre os africanos. O defensor deportivista foi suplente e non chegou a saltar ao terreo de xogo.
O calendario de partidos de España, cos resultados dos xa xogados, é o seguinte:
Venres 22 de xuño ALXERIA 1 - ESPAÑA 4
Domingo 24 de xuño ESPAÑA 2 - BOSNIA HERZEGOVINA 1
O xoves 28 de xuño España xogará as semifinais, ante un rival aínda por determinar.