Munitis: Cada vez estou máis involucrado con este equipo

-Como se atopa?
-Pois moi ben. Creo que poderei chegar o domingo. Teño aínda unhas pequenas molestias pero non me preocupan.

-Cal é o obxectivo que se marcará este Deportivo?
-Nós temos que ir partido a partido, aspirando a todo pero sen volvernos tolos. Temos que ser conscientes de que gañando un partido non se suman 30 puntos.

-Que lle parece que o Dépor non entre en ningunha quiniela de favoritos?
-Eu prefiro que a xente se decante agora dun lado ou outro. Logo xa se verá quen leva a razón.

-Que lle pareceu Sebastián Taborda?
-Aínda non teño elementos de xuízo. Non o coñezo nun adestramento que tivemos non puiden ver nada porque o partidillo foi en campo pequeno e bastante embarullado.

-Este ano parece unha Liga moito máis igualada.
-Todas son longas e duras. Por iso é fundamental que todos sumemos.

-Sempre foi Pedro Munitis un amante do seu traballo.
-A verdade é que si. O premio ao teu traballo e ao teu adestramento diario é xogar. Logo poden vir outras cousas.

-Cun Mundial ao virar a esquina.
-Non cabe dúbida de que un Mundial é unha cita única na vida e preciosa para calquera futbolista. Pero eu fai moito que non vou á Selección.

-Está a pasar o seu mellor momento no Deportivo?
-A verdade é que si. Estou a divertirme cada vez máis, teño a confianza do adestrador e cada vez estou máis involucrado con este equipo.

-É unha vantaxe ou un inconveniente poder xogar en varias posicións?
-Todo o que sexa xogar é positivo. O primeiro ano que estiven aquí paseino moi mal porque tiven poucas ocasións. O ano pasado veume moi ben porque participei en practicamente todos os partidos menos en dous. E este ano a verdade é que xoguei en todos os partidos.

-Que opinión merécelle o Atlético, próximo rival do Dépor en Riazor?
-É un equipo con xente rápida e con gol. Desde logo son moi perigosos.

-Que lle diría á afección?
-Pois que teñan a mesma ilusión que temos nós.