Esta mañá en Abegondo tocou test semanal para o primeiro cadro do Deportivo, hoxe tamén co fabrilista Víctor.
Despois dunha sesión de vídeo e dun rigoroso quecemento no campo 3, Natxo González dispuxo dun partido once contra once no campo 2. A continuación, o técnico deportivista seguiu o choque desde o posto de gravación da Cidade Deportiva; con Bernardo Tapia e Julio Hernando como xuíces de liña.
Os futbolistas recolleron a mensaxe e, como é habitual, non se gardaron nada nos 50 minutos que durou o partido, divididos en 2 tempos de 25. Houbo intensidade, choques, disputas... reflectindo o alto grao de competitividade existente no cadro 2018-19.
Traballaron á marxe do grupo Fede Cartabia e Dubarbier.
Mañá xoves, o equipo adestrarase de novo en Abegondo a partir das 11:00 horas.
