Natxo González viu dous partes ben diferenciadas no partido
Natxo González recoñeceu na sala de prensa do Estadio Heliodoro Rodríguez López de Tenerife que na segunda parte "desbordounos o partido. En moitos casos fomos desbordados. Non atopabamos o que queriamos. No corpo a corpo é un equipo moi intenso, que xa o sabiamos. Esa intensidade hai que contrarrestala movendo o balón rápido e facéndoo levar a espazos que a nós nos interesasen. No primeiro tempo fixémolo ben, e no segundo mal".
O técnico deportivista lembra que "xa entendiamos que neste campo o Tenerife esíxeche moito. Hai minutos de moita esixencia".
Tralo descanso, confesou que "esperaba unha saída deste tipo (do rival). E non soubemos saír desa situación, na cal o Tenerife nos someteu. É unha das súas características".
Opina que "en 20 segundos cámbiache da emoción máxima de poñerche por diante, que estaba todo acabado, a esa falta, o empate... Sei que até o último instante non podes perder a concentración e quizais nesa última xogada perdémola".