- Foto: fedefutbol.com -
As xogadoras do Deportivo ABANCA Noelia Bermúdez e Stephannie Blanco están concentradas coa selección de Costa Rica até o mércores 24 deste mes de febreiro.
O combinado 'tico' disputou no estadio Azteca este sábado 20 de febreiro o primeiro dos dous partidos amigables ante México. Ambas as futbolistas foron titulares nun partido que caeu ao lado das mexicanas (3-1).
Noelia Bermúdez xogou o noventa minutos e Stephannie Blanco foi relevada no minuto 62 por Fabiola Villalobos.
A segunda cita entre ambas as seleccións será o martes 23 de febreiro, ás 13:00 (hora local, 20:00 horas en España) no Centro de Alto Rendemento da Federación Mexicana.
Tanto Stephannie como Noelia Bermúdez non se perderán ningún partido co Deportivo ABANCA posto que esta fin de semana non hai xornada na Primera Iberdrola.
A seguinte cita ligueira para o equipo de Manu Sánchez será o domingo 28 ás 12:00 ante o Rayo Vallecano na Ciudad Deportiva Fundación Rayo Vallecano, en partido aprazado no seu día e correspondente á 7ª xornada.
