Notable presenza de #ASNOSAS no triunfo de Galicia sub-17 ante Estremadura
As xogadoras do Deportivo ABANCA B Carlota Sánchez e Laura Rivas están a disputar con Galicia sub-17 no campo de Santa Isabel (Santiago de Compostela) a Primeira Fase do Campionato de España de seleccións territoriais.
Na primeira cita, ante Estremadura, as dúas futbolistas branquiazuis foron titulares. Carlota ademais foi a autora dun dos goles galegos (0-2) que serviron para amarrar o triunfo.
Iso si, as estremeñas non o puxeron fácil e chegaron a fallar 2 penas máximas.
O domingo 16, Galicia mídese a Castela e León a partir das 12:30 horas, no partido que pecha esta Primeira Fase do Campionato de España de seleccións territoriais.
O calendario de partidos das galegas é o seguinte:
Venres 14 de decembro ESTREMADURA 0 - GALICIA 2
Domingo 16 de decembro 12:30: GALICIA - CASTELA E LEÓN