O Xuvenil A ten mañá sábado 4 de agosto unha nova cita de pretemporada. Será a partir das 19:00 horas no campo 4 da Cidade Deportiva ante o CSD Arzúa de Rexional Preferente. A entrada será libre para os afeccionados.
O cadro deportivista arrincará a liga no grupo 1º da División de Honra o próximo 2 de setembro, en horario por confirmar, ante o Atlético Perines.
Os pupilos de Javier Álvarez levan até a data 2 choques de preparación disputados, ante Laracha e Polvorín de Terceira División. Nos devanditos encontros, saldados con derrota, o técnico deportivista aproveitou para dar minutos de xogo a todos os seus futbolistas.
Partidos confirmados de pretemporada do Xuvenil A:
Sábado 21 de xullo, Cidade Deportiva de Abegondo: Xuvenil A 0 - Laracha CF (Terceira División) 1
Martes 31 de xullo, Cidade Deportiva de Abegondo: Xuvenil A 1 (Sarmiento) - Polvorín (Terceira División) 3
Sábado 4 de agosto, Cidade Deportiva de Abegondo (campo 4), 19:00 horas: Xuvenil A - CSD Arzúa
Mércores 8 de agosto, campo de Ou Monte (San Tirso), 19:00 horas: San Tirso SD (Preferente Norte) - Xuvenil A
