O Deportivo ABANCA exhibiu de novo o seu potencial ofensivo cunha nova goleada, esta vez en Arteixo ante o CD Femiastur (9-1). Estefi -2-, Kika, Miriam, Gaby, Peke e Jone -3- foron as autoras dos goles nun partido da 3ª xornada de liga en Segunda División Nacional (grupo 1º), que se decantou ao lado deportivista xa aos 7 minutos.
O encontro xogouse hoxe sábado para evitar coincidir mañá domingo co Fabril, que recibe en Abegondo (17:00 horas) ao Coruxo.
Con este resultado, o Deportivo ABANCA lidera o grupo con 9 puntos de 9 posibles, igualado a puntos co Oviedo Moderno, segundo por peor diferenza de goles.
Deportivo ABANCA: Sheila, Laura, Miriam, Miga, Kika, Lía, Jone, Iris, Sara, Peke e Estefi. Tamén xogaron: Gaby, María Corral, Cris e Patri.
Causou baixa de última hora, ademais de Nuria, Teresa Abelleira, afectada dun proceso gripal.
O vindeiro domingo 1 de outubro, o equipo que prepara Manu Sánchez visita ao Victoria FC de Santiago.
Os resultados ata a data do Deportivo ABANCA en liga son os seguintes:
Gijón FF 0 - Deportivo ABANCA 7 (Teresa Abelleira -3-, Kika -2-, Sara e Peke)
Deportivo ABANCA 6 (Gaby -2-, Lía, Peke, Teresa Abelleira e Miriam) - Atlántida de Matamá 1
Deportivo ABANCA 9 (Estefi -2-, Kika, Miriam, Gaby, Peke e Jone -3-) - CD Femiastur 1
