O Deportivo Abanca, que onte domingo conquistou a primeira edición do 'Memorial Fernando Gordo' en Ávila, ante o Club Casa Social Católica, afronta unha nova semana de adestramentos.
A pesar de non haber ningún partido previsto nos próximos días, o cadro deportivista ten planificados tres adestramentos:
Martes 23 de maio
20:30: Adestramento en Arteixo
Xoves 25 de maio
20:30: Adestramento en Abegondo
Venres 26 de maio
19:00: Adestramento en Abegondo
Nuria Rábano incorporouse hoxe á Selección Española Sub-19
Nuria Rábano colleu hoxe o testemuño de Tere Abelleira, recentemente subcampioa de Europa Sub-17. Así, Nuria incorporouse na Cidade do Fútbol de Las Rozas (Madrid) á concentración da Selección Española Sub-19, co fin de preparar o Minitorneo Elite correspondente ao Campionato de Europa da categoría, que terá lugar en Hungría do 25 de maio ao 1 de xuño.
O xoves 25, a Selección Española viaxará a Budapest, onde montará o seu cuartel xeral para o Minitorneo Elite, con este calendario de partidos:
Venres 26 de maio
16:00: ESPAÑA - RUSIA, no Dabas Varosi Stadium (Dabas)
Domingo 28 de maio
16:00: ESPAÑA - HUNGRÍA, no Hidegkuti Nandor (Budapest)
Mércores 31 de maio
16:00: BÉLXICA - ESPAÑA, no Dabas Varosi Stadium (Dabas)
