Novo exame para o Deportivo ABANCA. Mañá domingo 15 de outubro (10:30 horas), as branquiazuis xogan en Santander (Cidade Deportiva do Racing, campo Nando Yosu) ante o CDE Racing Féminas, na 6ª xornada de liga no grupo 1º de Segunda División Nacional.
Para esta cita, Manu Sánchez, técnico deportivista, leva a estas xogadoras: Anita, Malena, Miriam, Patri, Kika, Gaby, Sara, Jone, Peke, Teresa, Laura, Silvia Mérida, María Corral, Cris, Lía e Iris.
O Deportivo ABANCA é líder con 15 puntos de 15 posibles, igualado a puntos co Oviedo Moderno, que ten peor golaverage xeral. Pola súa banda, as cántabras son cuartas con 10 puntos.
Esta pasada semana, o conxunto deportivista selou o seu pase á semifinal da Copa Galicia ao imporse na Coruña á Victoria CF (0-5), na segunda xornada da Primeira Fase desta competición.
