A futbolista do Deportivo ABANCA Nuria Rábano foi convocada pola Selección Española Sub-19 para disputar a Fase Final do Campionato de Europa da categoría, en Irlanda do Norte do 6 ao 21 de agosto.
Nuria estivo concentrada na Ciudad del Fútbol de Las Rozas (Madrid) desde o pasado luns 24, xunto a outras 23 xogadoras. Este mediodía, o seleccionador Pedro López fixo pública a lista definitiva de 18 convocadas que viaxarán a Irlanda do Norte, entre as que finalmente está Nuria.
O equipo nacional viaxará a Belfast desde Madrid o próximo 6 de agosto ás 12:20 horas, para aterrar na capital norirlandesa ás 18:20 (hora española).
España quedou encadrada no grupo A, con Irlanda do Norte, Alemaña e Escocia. O calendario da Primeira Fase do conxunto español é o seguinte:
Martes 8 de agosto
19:00: IRLANDA DO NORTE - ESPAÑA, no National Football Stadium de Belfast
Venres 11 de agosto
15:00: ALEMAÑA - ESPAÑA, no Shamrock Park de Portadown
Luns 14 de agosto
19:00: ESPAÑA - ESCOCIA, no Mourneview Park de Lurgan
Os dous primeiros de cada grupo pasan ás semifinais, que se xogarán o xoves 17 de agosto.
