A futbolista do Deportivo ABANCA Nuria Rábano foi de novo titular no segundo partido da Selección Española Sub-19, ante Alemaña, no Campionato de Europa da categoría que se xoga en Irlanda do Norte.
Nuria xogou o primeiro tempo na derrota ante as xermanas (2-0), que souberon aproveitar mellor as súas oportunidades. A deportivista foi relevada por Ainhoa debido a unhas molestias nun nocello.
A pesar desta derrota, a seleccion española depende de si mesma para alcanzar as semifinais e clasificarse para o próximo Mundial Sub-20.
O calendario da Primeira Fase do conxunto español é o seguinte:
Martes 8 de agosto
IRLANDA DO NORTE 0 - ESPAÑA 2
Venres 11 de agosto
ALEMAÑA 2 - ESPAÑA 0
Luns 14 de agosto
19:00: ESPAÑA - ESCOCIA, no Mourneview Park de Lurgan
Os dous primeiros de cada grupo pasan ás semifinais, que se xogarán o xoves 17 de agosto.
