O Concello de Zas foi o lugar no que se realizou a presentación do DéporCampus Cabreiroá de Zas, unha das catro novas sedes para este verán de 2017 grazas ao acordo de colaboración entre o RC Deportivo, o CD Baio, as Escolas Luis Calvo e o consistorio local.
Zas súmase aos DéporCampus Cabreiroá, como tamén fixeron este ano As Pontes, Santiago e Ordes. As datas da única quenda que terá lugar neste concello son do 26 ao 30 de xuño. O Campo de Fútbol Pratas Reinoso, na localidade de Baio, será a sede deste DéporCampus Cabreiroá, cuxas inscricións están abertas a nenas e nenos de entre 6 e 14 anos e poderán realizarse ata o mediodía do xoves 22 de xuño.
Na fotografía superior, os participantes no acto de presentación. De pé, de esquerda a dereita: Óscar Lema (Tenente de Alcalde de Zas), Manuel García Velo (Concelleiro de Deportes de Zas), David Iglesias (Coordinador das Escolas Luis Calvo), José Barcala (Responsable de Metodoloxía do RC Deportivo), Manuel Muiño (Alcalde de Zas), Pablo Barros (Director do Campus), Manuel González Corredoira (Coordinador do Campus) e José María Rey (presidente do CD Baio).
Podes atopar toda a información dos DéporCampus Cabreiroá en deporcampus.rcdeportivo.es/gl.
