Unicamente un equipo de #ANOSACANTEIRA tivo partido oficial na Semana Santa. O Fabril visitou ao Real Madrid Castilla o pasado xoves 18 de abril (1-0), en partido correspondente á 34ª xornada no grupo 1º de Segunda División B que foi adiantado ao fin de semana.
Non houbo máis encontros oficiais até o partido do Alevín A correspondente á pasada xornada, 9ª, do Trofeo Conservas Calvo de fútbol 11 nas Eiroas (Carballo) ante o EF Luis Calvo Sanz A, mañá luns 22 de abril ás 17:00 horas.
Escasa actividade ligueira nunha semana na que Abegondo festexou un novo título, o cultivado polo Infantil B no grupo 1º da Primeira Autonómica. O seu triunfo (9-3) no seu último partido ante a Compañía de María e o empate do seu inmediato perseguidor, o Ural CF B fronte ao Once Caballeros CF (4-4), adiantaron o alirón branquiazul.
Así pois, a canteira do Dépor suma o seu cuarto título esta temporada tralos colleitados anteriormente polo Infantil A (Liga Galega, grupo norte), Alevín A (Primeira Comarcal A Coruña), Alevín B (Segunda Comarcal A Coruña) e Benxamín B (Segunda Comarcal A Coruña).
A pesar de non haber liga durante estes días, salvo Xuvenil A, Cadete B e Infantil B, con descanso, todos os demais tiveron torneo amigable: Deportivo ABANCA B (Trofeo Concello de Narón), Xuvenil B (Oviedo Cup), Cadete A (Torneo Cesaraugusta), Infantil A (Ibercup), Alevín A (Oviedo Cup), Alevín B (Ibercup), Benxamín A (Íscar Cup e Torneo Villa de Caldas) e Benxamín B (Mundialito en Cambrils).
O calendario de partidos, cos resultados dos xa xogados, queda así:
Segunda División B
34ª xornada: REAL MADRID CASTILLA 1 - FABRIL 0
Categoría alevín
Trofeo Conservas Calvo de fútbol 11, 9ª xornada: EF LUIS CALVO SANZ A - ALEVÍN A, mañá luns 22 de abril ás 17:00 nas Eiroas (Carballo)
