RCDeportivo RCDeportivo RCDeportivo
Skip to main content
GL
PORTADA

O amigable do xoves 13 en Vilalba comezará ás 19:30 horas

O Deportivo arrancará o calendario de partidos amigables o vindeiro xoves 13 de xullo. O seu primeiro rival será o Racing Villalbés, equipo que acabou quinto en Terceira División, a un só punto de disputar o playoff de ascenso a Segunda División B.

Como é tradicional, o encontro será no campo da Magdalena de Vilalba e comezará ás 19:30 horas.

A directiva do club lucense fixou en 5 euros os prezos das entradas para o público.

Estes son os 12 partidos confirmados ata o momento para a pretemporada do primeiro equipo deportivista:

13 de xullo, 19:30 horas: Racing Villalbés - Deportivo (A Magdalena, Vilalba)
14 de xullo: Arosa - Deportivo (A Lomba, Vilagarcía de Arousa)
15 de xullo: Silva - Deportivo (Campus Universitario de Elviña, A Coruña)
18 de xullo: Cerceda - Deportivo (O Roxo, Cerceda)
20 de xullo: Somozas - Deportivo (Manuel Candocia, Somozas)
22 de xullo: Bergantiños - Deportivo (As Eiroas, Carballo)
25 de xullo: Pontevedra - Deportivo (Pasarón, Pontevedra)
27 de xullo: Racing de Ferrol - Deportivo (A Malata, Ferrol)
30 de xullo: FC Porto - Deportivo (O Dragão, Porto)
3 de agosto: Real Oviedo - Deportivo (Carlos Tartiere, Oviedo)
5 de agosto: Deportivo - West Bromwich Albion (Estadio ABANCA-RIAZOR)
12 de agosto: Tenerife - Deportivo (Los Cuartos, La Orotava)