O atacante deportivista David Mella (Santiago de Compostela, 1 de xaneiro de 2005) foi convocado para uns adestramentos coa selección española sub-16 en Marbella, do luns 17 ao mércores 20 de maio.
David Mella, que forma parte de #ANOSACANTEIRA desde categoría alevín, pertence esta temporada ao cadro do Cadete A de División de Honra pero é habitual nas convocatorias e partidos do Xuvenil A de División de Honra, é dicir, dúas categorías por encima da súa idade; o que fala ben ás claras da súa proxección.
Non é a primeira convocatoria internacional para o dianteiro branquiazul, que xa foi chamado con anterioridade pola selección española sub-15, coa que disputou tres encontros a comezos do ano 2020.
