O capitán deportivista Laure é a gran novidade na lista de convocados do Deportivo para o encontro de Copa do Rey (volta de oitavos de final) de mañá mércores 11 de xaneiro en Mendizorroza ante o Alavés (19:00, Bein Sports). Gaizka Garitano leva en total a 18 futbolistas, entre os que ademais está o fabrilista Óscar.
O Dépor pasará a cuartos de final cun triunfo ou cun empate superior en goles ao 2-2 do partido de ida disputado en Riazor o pasado 3 de xaneiro.
No adestramento desta mañá no estadio de Riazor a porta pechada, cos fabrilistas Óscar, Hugo Rama, Hugo Díaz e Jardel, o equipo realizou un exercicio de evolucións, finalizacións, un partido once para once e, para acabar, ensaio de xogadas de estratexia.
Os convocados viaxan esta tarde a Vitoria, segundo esta folla de ruta:
