O Club dá a benvida ás familias dos futbolistas de #ANOSACANTEIRA
Ao longo desta semana, o Club reúnese por primeira vez esta temporada coas familias dos ao redor de 200 futbolistas que integran #ANOSACANTEIRA, desde o Xuvenil A até o Benxamín B.
Albert Gil, coordinador de fútbol base, acompañado por Manuel Pulido, coordinador da etapa de iniciación, deu a benvida aos pais, ademais de explicar o funcionamento e as normas da canteira deportivista.
Ademais, os responsables do fútbol formativo do Dépor detallaron ás familias os diversos torneos amigables que se aveciñan lonxe da Coruña, como o de Arnedo (A Rioxa) para o Infantil A, a Rothon Cup en Francia para o Infantil B...
O obxectivo do Club nesta primeira serie de reunións é fundamentalmente establecer unha canle directa de comunicación coas familias, unha vía aberta de diálogo no que participarán tamén Gabriel Pita, psicólogo do Dépor; e o departamento médico branquiazul (médicos, fisioterapeutas, nutricionista...)
O calendario de reunións, todas na sala de prensa de Abegondo, é o seguinte:
Luns 3 de setembro 19:00: Alevín A e Infantil B
Martes 4 de setembro 19:00: Benxamín B, Benxamín A e Alevín B
Mércores 5 de setembro 20:00: Infantil A e Cadete B
Xoves 6 de setembro 19:00: Cadete A, Xuvenil B e Xuvenil A