O Dépor ABANCA arrinca a Primeira Iberdrola en Lezama ante o Athletic Club
O Dépor ABANCA inicia a Primeira Iberdrola o sábado 3 ou domingo 4 de outubro en Lezama ante un dos clásicos do fútbol feminino español, o Athletic Club. O sorteo da competición ligueira foi realizado esta tarde na sede da Real Federación Española de Fútbol na Cidade do Fútbol de Las Rozas (Madrid). Ambos os equipos pecharán o campionato en Abegondo o 27 de xuño de 2021, con motivo da 34ª xornada.
O primeiro visitante liga na Cidade Deportiva, o 10 ou 11 de outubro, na xornada 2ª, será a Real Sociedad, outro dos conxuntos potentes da categoría.
Os grandes do fútbol español visitarán Abegondo nestas datas: o Atlético de Madrid o 21 ou 22 de novembro (xornada 9ª); o FC Barcelona o 22 de decembro (xornada 13ª); e o Real Madrid, xa na segunda volta, o 28 de marzo de 2021 (xornada 24ª).
A Primeira Iberdrola estará formada esta campaña por 18 equipos, xa que a temporada pasada non houbo ascensos nin descensos a Reto Iberdrola debido á pandemia de COVID-19.