O Dépor ABANCA cae 0-2 ante o Famalicão no segundo amigable de pretemporada
O Dépor ABANCA disputou hoxe sábado en Abegondo (0-2) o segundo partido amigable da pretemporada, un interesante test para as nosas ante un correúdo, e até duro nalgunhas fases do encontro, FC Famalicão, da primeira división portuguesa.
Manu Sánchez non puido contar con Kika, Kenni e Athenea por lesión; e Peke, por estar convocada coa selección española.
O resultado, que é o de menos, foi para o equipo visitante grazas aos goles de Cris e Gabi, o último no desconto de penalti, xusto despois de disparar ao traveseiro o Dépor ABANCA. Así que dun posible 1-1 pasouse ao 0-2 definitivo.
Dépor ABANCA: Noelia Bermúdez, Patri López, Stephanie, Bedoya, Villegas, Iris, Lady, Carlota, Gaby, Michele Romero e Helena Torres.Tamén xogaron: Sullastres, Cris, Ainoa, Carolina Arbeláez, Eva Dios e Tati.
Co partido ante as portuguesas péchase a semana de traballo do equipo branquiazul. O Dépor ABANCA regresa aos adestramentos o luns 21 de setembro ás 17:30 en Abegondo.
A pretemporada marcha así para o Dépor ABANCA:
Dépor ABANCA 3 (Helena Torres, Ainoa e Cris) - CD Parquesol 0 Dépor ABANCA 0 - FC Famalicão 2