O Dépor ABANCA clasificouse en Tordoia para a final da Copa Deputación
O Deportivo ABANCA clasificouse con claridade para disputar a final da Copa Deputación ao derrotar esta mañá ao Tordoia (0-9) en semifinais, con tantos de Gaby -2-, Estefi -2-, Jone, Sara -2-, Peke e Lía.
A gran final será contra o vencedor da eliminatoria entre o Orzán e o Victoria CF da Coruña. Desta forma, o Deportivo ABANCA está a un só paso de revalidar o seu título na Copa Deputación.
Deportivo ABANCA: Sheila, Miga, Laura, Cris, Peke, Jone, Tere Abelleira, Iris, Estefi, Kika e Gaby. Tamén xogaron: Miralles, Miriam, Patri, Lía e Sara.
A próxima cita xa fixada do calendario de pretemporada do Deportivo ABANCA será o Memorial Manuel Fernández Faraldo, a próxima fin de semana na Torre.
O calendario da pretemporada para o Deportivo ABANCA queda deste xeito:
30 de xullo: Deportivo ABANCA 17 (Jone, Ari -3-, Estefi -3-, Lía -2-, Sara -4-, Kika, Nuria, Patri e Gaby) - Torre 0 2 de agosto, oitavos de final da Copa Deputación: Deportivo Orzán 0 - Deportivo ABANCA 18 (Kika, Jone, Estefi -3-, Sara -3-, Tere Abelleira, Gaby -6-, Cris e Alba -2-) 5 de agosto: Deportivo ABANCA 0 - Athletic Club 1 9 de agosto: Sporting Braga 3 - Deportivo ABANCA 1 (Gaby) 13 de agosto, cuartos de final da Copa Deputación; Victoria FC 0 - Deportivo ABANCA 8 (Peke -4-, Sara, Kika, Gaby e Estefi) 15 de agosto: Torneo Concello de Friol, en formato '3 en 1' Deportivo ABANCA 2 (Sara e Jone) - Victoria FC 0 CPM Friol 0 - Deportivo ABANCA 4 (Peke -2-, Gaby e Lía) 20 de agosto, semifinal da Copa Deputación: Tordoia 0 - Deportivo ABANCA 9 (Gaby -2-, Estefi -2-, Jone, Sara -2-, Peke e Lía) 26 e 27 de agosto: XIV Memorial Manuel Fernández Faraldo (Cidade Deportiva da Torre)