Finalizado o choque ligueiro en Abegondo ante o Sporting Huelva, regresa a Copa da Raíña, en cuartos de final a partido único para o Deportivo ABANCA. #ASNOSAS visitan ao FC Barcelona, en partido previsto para o mércores 26 de febreiro a partir das 19:00 horas no Estadi Johan Cruyff.
Con entradas desde 3 euros para os afeccionados que queiran velo in situ, esta será a segunda visita do Deportivo ABANCA ao campo blaugrana após o partido disputado na Cidade Condal da primeira volta de Primeira Iberdrola.
Manu Sánchez e as súas xogadoras comezarán a preparar esta cita copeira o luns 24 de febreiro ás 16:45 horas. Mañá domingo será día de descanso para o cadro branquiazul.
