O Deportivo ABANCA viaxa este sábado 17 de outubro a Barcelona para visitar ao RCD Espanyol o domingo 18 de outubro ás 12:30 na Ciudad Deportiva Dani Jarque, con motivo da 3ª xornada na Primera Iberdrola.
O equipo branquiazul que dirixe Manu Sánchez adestrarase o sábado antes de partir en Abegondo, á primeira hora da mañá.
O regreso á Coruña será o domingo pola tarde, despois do encontro ante o conxunto espanyolista.
O plan de viaxe do Dépor ABANCA é o seguinte:
Sábado 17 de outubro
9:00: Adestramento en Abegondo
14:30: Saída do voo do Aeroporto da Coruña con destino Barcelona
16:15: Chegada aproximada a Barcelona e aloxamento no hotel Exe Parc del Vallés
Domingo 18 de outubro
12:30: RCD Espanyol - Deportivo ABANCA, na Ciudad Deportiva Dani Jarque
18:55: Saída do voo de Barcelona con destino Santiago
20:45: Chegada aproximada e traslado á Coruña
