O Dépor ABANCA concluíu a súa pretemporada cun amigable ante o SC Braga, campión da liga lusa. O encontro xogouse hoxe sábado 31 de agosto na Cidade Deportiva do conxunto luso e finalizou cun triunfo branquiazul de pompa (2-4), con goles de Michelle Romero, Laura, Yamamoto e Alba Merino.
Desta forma, o Deportivo ABANCA devolveu a visita que realizou o pasado verán o SC Braga a Abegondo.
Dépor ABANCA: Sullastres, Cris, Laura, Noelia Villegas, Nuria Rábano, Iris, Alba Merino, Teresa Abelleira, Gaby, Michelle Romero e Peke. Tamén xogaron: Patri López, Yamamoto, Athenea, Patri Díaz, Miriam e Kika.
Após este choque en Portugal, o seguinte compromiso será xa de Primeira Iberdrola, en Abegondo, ante o RCD Espanyol o domingo 8 de setembro ás 12:00 horas.
Os resultados do Dépor ABANCA nesta pretemporada foron os seguintes:
Mércores 31 de xullo, dezaseisavos de final da Copa Deputación: Once Caballeros CF 0 - Deportivo ABANCA 4 (Nuria Rábano, Kika, Peke e Noelia Villegas)
Domingo 4 de agosto: Campo de La Eragudina (Astorga), Deportivo ABANCA 0 - Madrid CFF 2
Luns 5 de agosto: Oitavos de final da Copa Deputación, campo da Porta Santa (Paiosaco), UD Paiosaco Hierros Añón 0 - Deportivo ABANCA 8 (Patri López -3-, Nuria Rábano -2-, Peke -2- e Silvia Mérida)
Xoves 8 de agosto: Cuartos de final da Copa Deputación, Abegondo: Orzán SD 0 - Dépor ABANCA 9 (Michelle Romero, Yamamoto, Peke -3-, Alba Suárez, Patri López, Gaby e unha futbolista rival en propia meta)
Sábado 10 de agosto: Trofeo Teresa Herrera, Estadio ABANCA-RIAZOR, Deportivo ABANCA 1 (Alba Merino) - UD Granadilla 5
Domingo 11 de agosto: Semifinais da Copa Deputación, Municipal de Santa Isabel (Santiago), Victoria FC 0 - Deportivo ABANCA 4 (Patri López, Carlota, Peke e Alba Suárez)
Mércores 14 de agosto: Final da Copa Deputación, campo das Eiroas (Carballo), Victoria CF 0 - Deportivo ABANCA 6 (Peke, María Méndez -2- Alba Suárez, Nuria Rábano e Carlota)
Sábado 17 de agosto: Trofeo '3 en 1' Vila de Jovellanos, campo de Santa Cruz (Xixón), Deportivo ABANCA 2 (Peke e Alba Merino) - Real Oviedo Femenino 0; Sporting de Gijón 0 - Deportivo ABANCA 4 (Alba Merino, Michelle Romero e Gaby -2-)
Sábado 24 de agosto: Estadio Román Suárez Puerta (Avilés), Dépor ABANCA 4 (Gaby -3- e Michelle Romero) - SD Eibar 1
Sábado 31 de agosto: Cidade Deportiva do SC Braga, SC Braga 2 - Deportivo ABANCA 4 (Michelle Romero, Laura, Yamamoto e Alba Merino)
