Finalizado o encontro no Campo Municipal de Pradejón, o Deportivo ABANCA emprende viaxe de regreso por estrada á Coruña.
Miguel Llorente e Ana González citaron ás súas futbolistas de novo o martes 18 de xaneiro ás 17:00 en Abegondo para comezar a preparar a seguinte cita ligueira, a visita do CD Parquesol a Abegondo, prevista para o sábado 22 de xaneiro ás 17:00 h.
O Deportivo ABANCA recupera provisionalmente o liderado do grupo norte posto que o partido do FC Levante Las Planas ante o Zaragoza CFF foi aprazado: 34 puntos teñen agora as deportivistas por 33 as catalás, iso si cun partido menos.
