Fixado un segundo partido copeiro esta semana para o Dépor ABANCA
O Deportivo ABANCA, co seu gran obxectivo cumprido, céntrase xa na Copa Galicia desta fin de semana.
Club e afeccionados festexaron como se merece estes días o ascenso á Liga Iberdrola pero mañá xoves, o equipo volve aos adestramentos e tentarase centrar de novo na competición.
O conxunto branquiazul retoma a Copa Galicia con dobre choque: o venres 24 de maio en Vigo ante o Sárdoma CF (20:00 horas), en partido correspondente á 4ª xornada no grupo 1º; e o sábado 25 en Abegondo, con entrada libre para os afeccionados, ante o Victoria FC de Santiago (18:00 horas), en partido correspondente á 6ª xornada.
O Dépor ABANCA é líder do grupo con 9 puntos nos seus tres partidos xogados. O Atlántida de Matamá tamén ten 9 puntos, aínda que con 2 partidos máis disputados. Con 7 puntos é terceiro o Sárdoma CF, tamén con 2 partidos máis xogados que as pupilas de Manu Sánchez.
A planificación semanal, sempre susceptible de sufrir variación por razóns técnicas, é a seguinte:
Xoves 23 de maio 20:30: Adestramento en Abegondo
Venres 24 de maio 20:00 horas, Copa Galicia de Segunda División, 4ª xornada: Sárdoma CF - Deportivo ABANCA, no campo das Relfas (Vigo)
Sábado 25 de maio 18:00 horas, Copa Galicia de Segunda División, 6ª xornada: Deportivo ABANCA - Victoria FC, en Abegondo