Pepe Mel citou hoxe a 18 futbolistas cara ao encontro desta noite en Riazor ante o Atlético de Madrid (20:45, Bein Sports). Todos eles concentraranse para comer no Hotel Meliá María Pita. Son baixas obrigadas Albentosa, sancionado cun partido; e Guilherme, lesionado.
Esta mesma mañá, o equipo puíu en Abegondo, a porta pechada, os últimos detalles. Houbo rondos e ensaio de accións de estratexia.
Tras o partido, os xogadores convocados cearán xuntos no Hotel Meliá María Pita, co fin de, cunha boa alimentación, facilitar a recuperación de fronte ao encontro deste domingo 5 de marzo no Molinón ante o Sporting (12:00, Bein Sports).
