O Deportivo arrincou esta mañá a semana na Fase 4 do protocolo de LaLiga, no que se permite o adestramento nun único grupo.
Fernando Vázquez dispón de todo o seu cadro. Ademais loxicamente de Somma, só Mujaid, que se adestra co readaptador Fran Molano, está á marxe do grupo.
A mañá arrincou cun quecemento e rondos; e continuou con tarefas de balón, como un exercicio de finalizacións e un partido táctico no campo principal con todos os futbolistas sobre o terreo de xogo.
A sesión concluíu cun exercicio de potencia aeróbica coordinado por Manuel Pombo, preparador físico, ao longo dos 6 campos de herba natural da Cidade Deportiva.
Mañá martes, o Dépor adestrarase a partir das 10:00 na Cidade Deportiva.
