O Dépor atrasa ás 11:00 os adestramentos diarios coincidindo coa baixada de temperaturas
Desde esta semana, o Deportivo atrasa en media hora o inicio do adestramento sobre o céspede coincidindo coa baixada das temperaturas propias destes meses máis fríos do ano.
Así pois, o cadro comezará cada día o traballo no campo a partir das 11:00 horas en lugar da as 10:30 horas como era habitual até agora. De igual modo, os futbolistas estarán citados diariamente na Cidade Deportiva ás 9:00 para almorzar no comedor da instalación.
O equipo branquiazul, líder en solitario de Primera RFEF con 29 puntos, céntrase desde mañá mércores en preparar a visita do Athletic Club a ABANCA-RIAZOR, prevista para o domingo 28 de novembro ás 17:00 (Footters) e correspondente á 14ª xornada. Hoxe martes hai xornada de descanso.
Serán catro adestramentos matinais, tres deles en Abegondo e o do sábado, en ABANCA-RIAZOR a porta pechada.
A planificación semanal, sempre susceptible de sufrir variación por razóns técnicas, é a seguinte:
Mércores 24 de novembro 11:00 h., en Abegondo
Xoves 25 de novembro 11:00 h., en Abegondo
Venres 26 de novembro 11:00 h., en Abegondo
Sábado 27 de novembro 11:00 h., en ABANCA-RIAZOR, a porta pechada
Domingo 28 de novembro 17:00: Deportivo - Athletic Club B, en ABANCA-RIAZOR