Como é habitual 2 días antes de cada partido, o primeiro equipo, hoxe ademais co meta fabrilista Pedro López, rebaixou a intensidade do adestramento.
Así, após un quecemento con xogos e fútbol tenis, Alejandro Esteve, responsable no corpo técnico deportivista das accións de estratexia, tomou as rendas cos futbolistas no campo 2, esta mañá sobre todo saques de esquina.
Para concluír o traballo sobre o céspede, un grupo de xogadores ensaiou lanzamentos de falta desde a frontal da área.
Mañá xoves, o cadro está citado ás 10:30 horas en Abegondo. Ao finalizar, Natxo González dará a lista de convocados para viaxar a continuación a Córdoba, para visitar este sábado 20 de outubro (20:00 horas, LaLiga 1|2|3 TV) ao equipo cordobés, en partido correspondente á 10ª xornada en LaLiga 1|2|3.
