RCDeportivo RCDeportivo RCDeportivo
Skip to main content
GL
PORTADA

O Dépor comeza a urdir o plan para medirse ao Real Zaragoza

O Deportivo, hoxe ademais co fabrilista Pedro López, arrancou a semana de adestramentos de preparación para o partido da 18ª xornada en LaLiga 1|2|3 previsto para este domingo 16 de decembro (20:30 horas, Gol e LaLiga 1|2|3 TV) fronte ao Real Zaragoza.

Así, após un quecemento e un circuíto físico, Natxo González e os seus futbolistas puxéronse ao choio cun traballo táctico no campo 2 da Cidade Deportiva.

A mañá sobre o céspede concluíu cunha tarefa de fútbol con 3 porterías.

Adestráronse á marxe do grupo, ben cos fisioterapeutas ou co readaptador Fran Molano os seguintes xogadores: Carlos Fernández, David Simón, Diego Caballo, Gerard Valentín e Fede Cartabia.

Mañá mércores, o Dépor volverá ao traballo en Abegondo a partir das 11.00 horas.