O Deportivo coñecerá mañá domingo 17 de novembro o seu rival na primeira eliminatoria da Copa do Rei, segundo o sorteo que se realizará a partir das 12:30 na sede da Federación Española de Fútbol na Cidade do Fútbol de Las Rozas (Madrid).
Esta rolda será a partido único e xogarase o martes 17, mércores 18 ou xoves 19 de decembro, no campo do equipo de inferior categoría ou, no caso de ser da mesma, no do Club cuxa bóla fose extraída en primeiro lugar.
Nesta primeira eliminatoria participan os 111 equipos seguintes:
- 16 equipos de LaLiga Santander. Quedan exentos: Real Madrid, FC Barcelona, Atlético de Madrid e Valencia CF.
- Os 22 equipos de LaLiga SmartBank.
- 38 equipos de Segunda División B: CF Rayo Majadahonda, UE Olot, Córdoba CF, RC Recreativo de Huelva, Gimnàstic de Tarragona, FC Cartagena, CyD Leonesa, UD Melilla, Pontevedra CF, CD Badajoz, CD Guijuelo, UCAM CF, UD San Sebastián de los Reyes, UD Ibiza, Unionistas de Salamanca CF, Marbella FC, UD Logroñés, Racing de Ferrol, Barakaldo CF, UE Llagostera, SD Leioa, Orihuela CF, SD Amorebieta, SCR Peña Deportiva, UP Langreo, Yeclano Deportivo, CD Atlético Baleares, AD Mérida, Hércules de Alicante, Club Haro Deportivo, UE Cornellà, Villarrubia CF, Lleida Esportiu CF, Marino de Luanco, CF Badalona, Las Rozas CF, CD Ebro e CF La Nucía.
- 21 clubes de Tercera División: CD Lealtad de Villaviciosa, CF Lorca Deportiva, UM Escobedo, CD Laredo, Club Portugalete, CP Cacereño, Zamora CF, Sestao River Club, Real Jaén CF, CE L`Hospitalet, AD Ceuta FC, Bergantiños CF, UD Tamaraceite, CF Illueca, Peña Sport FC, CD Mensajero, SD Tarazona, UD Socuéllamos CF, SD Logroñés, Gimnástica Segoviana CF e Linares Deportivo.
- 4 semifinalistas da Copa RFEF: Coruxo FC, CD Tudelano, CD Castellón e Real Murcia CF.
- 10 campións da eliminatoria previa: Tolosa CF, CD Becerril, Comillas CF, FC Andorra, CD Peña Azagresa, Atlético Antoniano, El Palmar CF, Melilla CD, CD El Álamo e CF Intercity.
O sorteo desenvolverase da seguinte forma:
1. Os 10 campións da eliminatoria previa emparellaranse con 10 equipos de Primeira División.
2. Os 6 que sobran de Primeira (están exentos os 4 que participan en Champions League) e os 22 de Segunda División quedarán emparellados cos 21 equipos de Terceira División e os 4 semifinalistas da Copa RFEF.
3. Os 3 equipos que sobren de Primeira ou Segunda División serán emparellados cos 38 de Segunda División B.
4. Os que queden de Segunda División B, un total de 35, entre si, no que sobrará un que quedará exento nesta primeira eliminatoria.
