A Temporada 2019-2020 de LaLiga Genuine arrinca esta fin de semana en Tarragona coa primeira das sedes do ano, na que participarán todos os equipos da competición. Ao acto inaugural que terá lugar o venres 15 de novembro ás 19:45 horas no Nou Estadi de Tarragona acudirá, ademais do cadro e corpo técnico branquiazul, Donato en representación da Fundación Real Club Deportivo.
Iván Bernárdez, Gabriel Cives, Mari Carmen Durán, Borja Eiroa, Ignacio García, Alejandro Gómez, Jesús González, Nikita Kharlamov, Álvaro López, Sergio Nieto, Alejandro Rey, Miguel Rivas, Juan Agustín Torréns, Daniel Trasancos, Mario Ventura e Álvaro Vidal son os 16 futbolistas convocados por Lucía Otero para a cita inaugural da temporada.
Mañá o Dépor parte no avión das 07:00 a Barcelona, para posteriormente desprazarse a Tarragona onde se aloxará no Cambrils Park Family Resort. Xa o sábado ás 12:00 en Salou, no campo 2, enfrontarase á SD Eibar e ás 19:00 ao Elche CF no mesmo campo. O terceiro e último partido da fin de semana no grupo G xogarano o domingo ás 10:00 ante o RCD Mallorca.
