O Dépor dosifícase e cita a 18 futbolistas para o primeiro dos dous amigables en tres días
Pepe Mel dosifica ao seu cadro para o primeiro dos dous amigables en tres días previstos para esta semana no calendario estival do Deportivo.
Así, o técnico deportivista leva a 18 xogadores para medirse mañá xoves 3 de agosto ao Real Oviedo (20:30 horas) no Carlos Tartiere, no décimo amigable de pretemporada.
Quedan fóra por decisión médica Celso Borges e Carles Gil. Ambos seguen adestrando á marxe do grupo.
A directiva do club asturiano fixou os seguintes prezos para as entradas, en calquera bancada do estadio: 20 euros a entrada sénior e 10 euros a Sub-18.
O equipo branquiazul desprázase por estrada mañá xoves pola mañá, e regresa nada máis finalizar o encontro no Carlos Tartiere.
O plan de viaxe é o seguinte:
Xoves 3 de agosto 10:00: Saída en autocar a Oviedo 13:00: Chegada aproximada ao hotel Ayre Oviedo 20:30: Oviedo - Deportivo, no Carlos Tartiere Ao finalizar, saída en autocar á Coruña
Venres 4 de agosto 2:00: Chegada aproximada á Coruña
Tras o encontro, o cadro adestrarase de novo na Cidade Deportiva o venres 4 de agosto ás 11:00 horas.
Esta mañá, cos fabrilistas Edu e Chema, o equipo ensaiou a presión, posesión e os automatismos en ataque. Un traballo táctico puxo o punto e final ao adestramento sobre o céspede.
A única ausencia foi Róber, con permiso da Dirección Deportiva para non acudir hoxe a Abegondo.