O Real Club Deportivo colaborará con Cruz Vermella A Coruña para que ningún neno quede sen xoguetes este nadal. Por iso, o Club solicita a todos os deportivistas a doazón de xoguetes novos, non bélicos e cun valor medio aproximado de 15€ e a cambio regalaralles unha entrada para o Dépor-Zaragoza deste domingo 16 ás 20:30 h.
Os xoguetes poden entregarse, a cambio da entrada, aos voluntarios de Cruz Vermella que estarán o sábado 15 de 16:30 a 20:30 h. na DéporTienda de ABANCA-RIAZOR ou o propio domingo desde as 19:30 h. en todos os accesos ao Estadio ABANCA-RIAZOR.
Tamén poden facerse as doazóns en Cáritas Interparroquial Coruña (Praza Recife 1, o mércores e xoves de 09:00 a 13:00 h. e de 17:00 a 19:00 h. ou en C/ Reyes Meigos 8, mércores, xoves e venres de 11:30 a 13:30 e de 18:00 a 19:00 h.), recibindo un vale que se poderá trocar pola entrada o domingo desde as 19:30 h. na Oficina de Atención ao Deportivista da Avenida de La Habana no Estadio ABANCA-RIAZOR.
Os xoguetes entregaranse ás familias con menores entre 0 e 17 anos coas que traballa Cruz Vermella ou lles deriva a Administración Publica dada a súa situación de vulnerabilidade.
