O Deportivo encara a visita á UD Almería de mañá sábado 7 de marzo no Estadio dos Xogos Mediterráneos (21:00 horas, Gol) con 18 futbolistas, entre os que se atopa o fabrilista Mujaid.
Caen da convocatoria de maneira forzosa Michele Somma e Salva Ruiz, este aínda sen alta médica, tal e como confirmou Fernando Vázquez en rolda de prensa: "Está preto. Estivo a adestrar con normalidade. Pero de momento non ten a alta médica e queda".
No adestramento desta mañá, o técnico deportivista dispuxo, após un quecemento e rondos, dun partido táctico a tres cuartas partes do campo 2 e, para concluír, fútbol en espazo reducido, de alta intensidade.
Os convocados viaxan mañá mesmo, día do partido, segundo este plan de viaxe:
Sábado 7 de marzo
10:30: Saída do voo do Aeroporto da Coruña con destino ao Aeroporto de Almería
12:00 (horario aproximado): Chegada ao Aeroporto de Almería e aloxamento no Hotel NH Cidade de Almería
21:00: UD Almería - Deportivo, no Estadio dos Xogos Mediterráneos
Domingo 8 de marzo
11:00: Saída do voo de Almería con destino ao Aeroporto da Coruña
12:30 (horario aproximado): Chegada ao Aeroporto da Coruña
13:00 (horario aproximado): Adestramento en Abegondo
