O Deportivo fixo hoxe venres especial fincapé no traballo defensivo en vésperas do primeiro partido desta pretemporada, mañá sábado 21 de xullo en Abegondo (10:30 horas) ante o Fabril.
Así, após un quecemento e uns rondos, Natxo González dispuxo esta mañá dun exercicio táctico defensivo e ensaio de balón parado defensivo.
Hoxe adestráronse con Fran Molano, readaptador do primeiro equipo, Guilherme, con algunha molestia nos isquiotibiais, e Francis.
Tiveron tratamento médico e de fisioterapia Gerard Valentín, Carlos López e Álex Cobo, afectado dunha molestia nos adductores.
Os canteiráns Quique Fornos, Blas e Diego Villares estiveron hoxe ás ordes de Natxo González.
O Club lembra aos seus afeccionados que ao partido inaugural da pretemporada 2018-19 entre o Dépor e o Fabril só poderase acceder co carné de socio da vixente temporada.
Así, unicamente poderán presenciar o encontro os posuidores do carné de socio da Temporada 2018-19, até completar capacidade. Non se porán entradas de pago á venda nin se poderá acceder á Cidade Deportiva co abono do curso pasado.
